ابيات للشاعر سامى عقل

.هذه ابيات للشاعر سامى السيد عقل
من مواليد كفر الدوار . بحيره
مقيم حاليا بلاسكندريه
وقد حاز على العديد من الالقاب فى شعر العاميه والفصحى

. و أنا مش انت يا انت

و أنا أمتي و فين و ازاى

أكون زيك و زييّ زى كل الناس

و زيك زى سيّدهم

يا سيّدنا اللي يشبهلي بتندهلي علي المرسي

و انا . ع البر ما راسي مراسي النيل بترفضني

وشط الملح ناداني و انا داني من الضلمة دنو الحكمة من اهبل

لكين اقبل اكون صعلوك و لا اقبل اكون مملوك

لغير ربي و متربي علي اللقمة اللي جاية من حنك تعبان

و تعبان اللي ما طاطا بطاطا طعمها مــــــــرر

ف جوفه كلمة محبوسة و ميت بوسة علي اللي ف الهوى طاطا

و باع الكلمة بطاطا و هيّة طعمها كوسة

و ملبوسة يا جتة لبسة هندامي و ملبوسة

يا جتة لبسة احلامي و ملبوسة بجن اسمه " الصعالــــيــــكي"

يعفرتني و اعيش العمر اتصعلك و ادفعلك

يا مشوارى تمن صعلكتي من خوفي و يا كسوفي! لبنـــــــت

الحارة تلمحني و انامحني ل " دبّورة " و دورية ف نص الليل

تجريني لحد الضهر ضهرى ينكسرفاجرى

و اجرى واجرى ع الاخر و فجرى لسة مستني

علي اخر محطة ليل و ليل الغربة سوّاقي بلاقي روحي تتعاجب

علي نجمة ف لياليّة بتضحك ف الملالية

عليّا ضحكة لا ليّة و لا لية عليها ملام مادام رخّصت من صوتي

و اغنّي تحت رجليها و أسهر أعد أصحابها و أسحبها فتسحبني

و أصحبها ف لفتها تلفّفني سبع سمـــوات

و لا أتعب و بستغرب ما أنا اللي كنت امبارح بشاغلها

تجافيني و انادلها بقيت نجمة و أنا ديلها و تقطـع

ديلها تقطعني و يقطعني ! طاوعت الحلم ما طاعني

رماني و استباح طعني و رجعني علي السكة اللـــي

جابتني و ضلمتها ...
" و أنا ابن الضلمة كان نفسي أشوف لحظة ميلاد الفجر

الاقي الليل و بعده ظهر بيشقشق و بينهم فجر

مستني علي آخر محطة ليل و ليل ييجي

و اقول أصبر حشوف لحظة ميلاد الفجر

الاقي برضو نفـــس
الليل و بعده ظهر بيشقشق

و لسه الفجر مســــــــــــــــــــــــــــــــــــــــــتنـــــــــــــي ..!!!
اتمنى ان تحظى باعجابكم

مشكور ياسيد وياريت تعرفنا عليه ويكون معانا بين اهلنا

موضوع: رد الجمعة يناير 01, 2010 6:02 pm

مشكور يا ابو السييد على هذه الابيات لشاعر العبقرى سامى عقل وياريت نتمنى نشوف المزيد من بحر الشعر لسامى عقل ونتمنى نشوف جميع اعماله الشعريه